Por que unirte ao congreso?
Os congresos de persoas con cancro e familiares son espazos para compartir, aprender e vivir o día a día da enfermidade.
Están pensados por e para os/as pacientes de cancro e as súas familias, para ofrecerlles todo o que necesitan:
- Información veraz da man de profesionais de distintos ámbitos.
- Testemuñais que poderán axudalos porque están a pasar ou pasaron polo mesmo
Durante estas xornadas, centraranse nos coidados en cancro e o autocoidado. Trataranse aspectos esenciais como a prevención, os novos avances no tratamento, e as necesidades específicas dos pacientes e os seus familiares en cada etapa.
Cales son os nosos obxectivos?
Enfocamos este congreso cara á humanización dos coidados, polo que poñeremos especial atención no papel fundamental do coidador, e destacaremos a importancia do trato humano, empático e próximo en cada etapa do proceso.
Axudar a todos os pacientes de cancro na súa loita. Ofrecerlles ás persoas con cancro e aos seus familiares un espazo de intercambio de experiencias e información.
Contribuír á normalización do cancro, evitar o estigma e promover un diálogo aberto e sincero sobre a enfermidade.
Converter estes eventos nunha experiencia de vida. Ser un espazo de cohesión e alianza xunto a outras asociacións e entidades que buscan o mesmo ca nós: estar á beira do paciente.