IV Kongresua Euskadi Minbiziaren Aurka

Pazienteentzako eta senideentzako topaketa kongresu berritzailea, parte-hartzailea eta bereizgarria izango da… jarduera gidatuen programa batekin, honako hauek konbinatuz:

• entzutea eta hitz egitea,
• hausnarketa eta ekintza,
• ezagutza eta bizipena,
• sorkuntza eta irudimen kolektiboa.

Kongresu honen helburua egoera onkologiko baterantz aurrera egitea da, zaintzen, ikertzen eta pazientearen ahotsa modu aktiboan txertatzen duena.

Horregatik, kongresuaren hari nagusia “Pazienteak agente eraldatzaile gisa” da. Pazientea entzun ahal izateko eta bere bizipenak errealitate onkologikoan eragiteko gaitasuna izateko aukera eman nahi diogulako.

Zure ahotsa, bizipena eta ezagutza oso garrantzitsuak direlako.

Hainbat esperientzia entzungo dituzu, aurrerapen teknologikoak ezagutuko dituzu, beste errealitate batzuetatik ikasiko duzu eta, batez ere, parte hartuko duzu. Zure bizipenak partekatu eta ideiak trukatuko dituzu eta elkarrizketaren parte aktiboa izango zara.

Kongresuak hainbat une izango ditu:

• Ongietorri ekitaldi bat.
• Parte hartzeko 8 tailerren hiru txanda eta “Elkarrekin saretuz” topagunea.*
• Agur-ekitaldi bat.

*Izena emateko formularioan, bi tailer eta “Elkarrekin saretuz” topagunea aukeratu beharko dituzu.

Profilen aniztasuna ziurtatu nahi dugu. Beraz,

• Pazientea edo senidea bazara, zure tailerrak eta elkartzeko espazioa libreki aukeratu ahal izango dituzu, betiere plaza libreak badaude.
• Elkarte bateko kidea, boluntarioa, sanitarioa edo aditua bazara eta tailerretan tokirik ez badago, ongietorrian eta agur ekitaldian eman ahal izango duzu izena.

Izen emateak urriaren 12an itxiko dira, eta aurrez aurre irekiko dira berriro Kongresuaren egunean bertan, Kursaal-ean. Egun horretan plazak geratzen diren tailerretan bakarrik eman ahal izango da izena.

Zure zain egongo gara!